Skip to main content

Հայկական պլանշետ Armtab թե ամերիկյան Minno

Քանի որ անընդհատ լրագրողներից հարցեր եմ ստանում հայկական պլանշետից, իսկ ես, ցավոք, չեմ եղել շնորհանդեսին (քանզի անտեսվել եմ ։ՃՃՃ), ապա ասեմ, որ, հարգելի լրագրողներ, իրականում այդ հարցը կարելի է ուղղել հենց արտադրողին, Minno ֆիրմային, որն ունի կայք, եւ ոչ մի կապ չունի Հայաստանի հետ։

Կայքից երեւում է, որ Minno֊ն արտադրում է բրենդային պլանշետներ։ Այսինքն, դուք գնում եք Minno, գումար եք տալիս, եւ իրանք սարքում են պլանշետ, որի վրա գրվում է ոչ թե Minno, այլ, օրինակ, Khootchootch:

Ձեռնարկությունը ունի նաեւ Ֆեյսբուք էջ, որտեղ կարելի է հարցեր տալ, եւ շատ արագ պատասխան ստանալ։ Այ ես հարց տվեցի՝ հիմա հայկական պլանշետը հայկական է միայննրանով, ար այնտեղ տեղադրված է հայաֆիկացված ծրագրային ապահովում, իսկ սարքը հենց Minno֊ինն է, առանց ոչ մի հայկական պիպիչների, թե նաեւ հայկական "երկաթ"  կա վրան։

Պատասխանը շատ պարզ էր․ առաջին փուլում իսկապես պլանշետի "երկաթի" մեջ ոչ մի հայկական բան չկա, միայն ծրագրային ապահովումն է։ Մեջբերեմ․

 In the first phase of the project hardware parts are coming from the Minno 

side. The goal for phase II is to have PCB/PCBA/Hardware design and sub-

assembly design and manufacturing happen in Armenia.


Այսպիսով, ելնելով Minno֊ի ասածի վրա, եզրակացնում ենք, որ ապագայում պլանշետը պետք է "հայեցի" դառնա՝ Հայաստանում կկատարվի պլատաների եւ հավաքելու ընդհանուր դիզայնը եւ, ոնց հասկանում եմ, նաեւ արտադրության մի մասը։ (Armtab֊ի կայքը, ասեմ ձեզ, որ հայտարարումէ, որ իրենք բացի փաթեթավորելուց նաեւ հավաքում են պլանշետներ։ Ես դեռ գերադասում եմ հիմնական համարել Minno֊ի կողմից տրված տեղեկատվությունը)

Բայց դա դեռ պլաններ են՝ հիմա սա պարզապես չինա֊ամերիկյան արտադրանք է, հայկական պիտակով։ Նաեւ ծրագրային ապահովումն է հայաստանյան։ Մոտավորապես, որ պատկերացնեք, հիմիկվա վիճակում դա նման է, որ դուք առնեք Sony Vaio, վրան դնեք MacOS, դրանից լապտոպը չի դառնա Apple արտադրանք, կմնա Sony, որի վրա դրված ա MacOS: Այ ապագայում, կարող ա արդեն հայաֆիկացվի, բայց դեռ դրա մասին խոսել չի կարելի։ Բայց հենց որ սկսեցին ստեղ դիզայնը անել, մեծ ուրախությամբ բոլորս կասենք, որ Armtab֊ը հայկական պլանշետ է։ Նենց որ խառնաշփոթը սկսել ա նրանից, որ լրատվության մեջ խառնվել են պլանները եւ ներկա իրավիճակը։

Ինչ վերաբերում է օպերացիոն համակարգին, "Արաքս"֊ին, ապա այն իսկապես այստեղ է ստեղծվել, բաց կոդերով Lilnux օպերացիոն համակարգի հիման վրա։ Ստեղծել է հայկական իմ կողմից շատ բեսամթ հարգված Instigate կողմից։ 

"Արաքս"֊ի մասին կարող եք կարդալ այստեղ , այստեղ

կամ նայել տեսանյութ,կամ հարցնել պապային՝  Չիլինգարյան Նորիկին

Հ․Գ․ Քանի որ Minno֊ի էջից իրենց պատասխանը  անսպասելիորեն ջնջվել է, իսկ ես տենց բան սպասում էի, ապա տեղադրում եմ սքրինշոթը։ Update. ասում են՝ պատասխանը ջնջված չի, բայց ինձ չի երեւում։ Ավել-պակաս կներեք

Հ․Գ․ 2 - Պարզվեց, Արաքսով լինելու ենմիայն կրթական պլանշետները, իսկ հասարակ սպառողին գնալու է Android-ով, ինչը հայկականությունը էլ ավելի նվազեցնում է

Հ. Գ. 3 Armtab-ի լոգոն շատ հավեսն ա








Comments

Popular posts from this blog

Հաքերները ուղարկում են խայտառակող տեսանյութ հրապարակելու սպառնալիքներ

Այսօր բազմաթիվ մարդիկ ստանում են նամակներ, ուր իրենց սպառնում են հաքերները եւ գումար պահանջում։ (նամակի մոտավոր տեսքը ստորեւ)։ Ի՞նչ են ուզում հաքերները։ Էլեկտրոնային նամակում գրված է, որ իրենք գիտեն ձեր էլեկտրոնային փոստի գաղտնաբառը։ Եվ, հաճախ, իսկապես գրում են գաղտնաբառը, սովորաբար, արդեն հինը, որը մարդ փոխել է, բայց իսկականն է։ Հետո սպառնում են, որ, իմանալով գաղտնաբառը, իրենք կարողացել են ներխուժել համակարգի կամ էլեկտրոնային փոստ, վիրուս տեղադրել սարքում եւ գաղտնի տեսագրել մարդուն։ Ու հիմա սպառնում են ինչ-որ խայտառակող տեսանյութ հրապարակել, եթե մարդ գումար չվճարի։ Ավելին, հաճախ հենց ձեր էլեկտրոնային փոստի հասցեից է գալիս ձեզ նամակը։

Իրականում սա խաբեություն է։ Հունվարի կեսերին ինտերնետում հայտնվեց մի մեծ, միլիարդանոց էլեկտրոնային փոստերի եւ դրանց գաղտնաբառերի արխիվ։Դա տարբեր տեղերից տարբեր ժամանակներին գողացած տվյալներ էին։ Հիմա կիբերհանցագործները այդ արխիվի ցուցակով բոլորին ուղարկում են նման նամակ՝ հույս ունենալով, որ մարդու վրա կազդի այն, որ իսկական գաղտնաբառն է տեսնում, կվախենա …

Ով կարո՞ղ է ձեզ գաղտնալսել եւ ինչ անել

Գաղտնալսման թեման Հայաստանում շատ
ակտուալ է․ երբ գաղտնալսում են հենց
գլխավոր գաղտնալսողին, պարզ է, որ առնվազն տեսականորեն վտանգը այդքան էլ
տեսական չէ։ Իսկ եթե գործ ունես լրագրողական գործունեության հետ, ապա հասկանալի է,
որ կարող ես լինել ավելի հավանական թիրախ, քան հասարակ քաղաքացին։ Եվ որպես
լրագրող ունես տեղեկատվութունը պաշտպանելու խնդիր։ Չնայած, սա վերաբերում է
բոլորիս։

Ո՞վ կարող է գաղտնալսել


Որ մարմինները, ընդհանրապես, իրավունք ունեն իրականացնել ՀՀ֊ում
օպերատիվ-հետախուզական գործունեությունմ, որի մի մասը հենց կազմում է գաղտնալսումը։

Ըստ Օպերատիվ-հետախուզական գործունեության մասին ՀՀ օրենքի 8֊րդ հոդվածի․

Օրենքով իրենց վերապահված լիազորությունների շրջանակներում լայն իմաստով
օպերատիվ-հետախուզական գործունեություն իրականացնելու իրավունք ունեն` 1) ոստիկանությունը. 1.1) ռազմական ոստիկանությունը. 2) ազգային անվտանգության մարմինները. 3) հարկային մարմինները. 4) մաքսային մարմինները` մաքսանենգության և այլ հանցագործությունների խափանման ու
բացահայտման նպատակով. 5) քրեակատարողական ծառայությունը` միայն քրեա…

Ինչու է պետք անպայման գնալ ընտրությունների․ թվերն են խոսում։

ՀԻմա մի քանի կարեւոր բան, թե ինչու պետք է պարտադիր գնալ ընտրությունների։ Եվ կապ չունի, թե ում եք ընտրելու։

Սոցհացրցումները բավականին վատ ազդեցություն ունեն հայաստանյան հասարակության վրա։  Մի մասը պրոֆեսիոնալ չեն։ Մյուսները՝ մի շարք հանգամանքներ հաշվի չեն առնում։ Օրինակ, ռեյթինգային թեկնածուները հեղինակությունը տվյալ հատվածներում, ինչը կարող է բավականին հետաքրքիր փոփոխություններ մտցնի թվերի մեջ։ Իսկ կարեւորը․ շատ մարդկանց հիասթափեցնում են եւ ստիպում մնալ տանը կամ ձայնը տալ ոչ նրան, ում մարդը կցանցկանար։ Քանի որ, բնականաբար, մարդ ուզում է իր ձայնը տված լինի այն ուժին, որը մեծ հավանականությամբ կանցնի ԱԺ։

Բայց եկեք տեսնենք, որ ամեն ինչ այդքան էլ միանշանակ չէ։ ՄԻանշանակը մենակ այն է, որ կհաղթի Իմ Քայլը։ Մնացածը կախված է ընտրողներից, այսինքն՝ նաեւ ձեզանից։

Եկեք նայենք։ Անցյալ պարլամենտականներին քվեարկել են 1,575,786 մարդ։ Տեսականորեն քվեարկելու իրավունք ունեցողների թիվը եւս մեկ միլիոնով մեծ է, չնայած այստեղ շատերը պարզապես երկրում չեն։ 2017 ընտրություններին մարդկանց բերում էին ավտոբուսներով…