Skip to main content

Մեր օրերի Ֆրանկենշտայնները կամ որքա՞ն մարդ կա ինտերնետում

Այսօրվա ընթերցողին ավելի հետաքրքիր է տեսնել մի քանի թիվ կամ գրաֆիկ, քան մի քանի էջ հետաքրքիր մտքեր կարդալ։ Դա համացանցի, ավելի շուտ՝ սոցիալական ցանցերը եւ հեռախոսների բացասական ազդեցություններից մեկն է։ Իսկ վիճակագրությունը, որն այդ թվերը տրամադրում է, շատերի համար դառել է դարձել է կրոնական գիտություն՝ կասկածը գրեթե բացակայում է, իսկ ուսումնասիրությունների մեթոդաբանությունը մարդկանց հաճախ ընդհանրապես չի հետաքրքրում։

Իսկ երբ մի բան բոլորի կամ շատերի կողմից ընդունվում է հալած յուղի պես, հաճախ տարօրինակ բաներ են տեղի ունենում։ Վերցնենք, օրինակ, ինտերնետի զարգացման վերաբերյալ տվյալները։ Հաճախ զանազան զեկույցներում, որտեղ բերվում են միանգամից տարբեր տվյալներ, մարդիկ ուշադրություն չեն դարձնում, որ գործ ունեն տարբեր տեղերից հավաքված, տարբեր պատասխանատվություն ունեցող աղբյուրների, տարբեր տարիների զեկույցներից հատվածների հետ։ Մոտավորապես այդպես դոկտոր Ֆրանկենշտայնը դիակների կտորներից մարդանման արարած էր սարքում: 

Անհամապատասխանությունների հաճախ եմ հանդիպում, բայց վերջինն այնքան ակնհայտ էր, որ որոշեցի չլրել։ Ձեռքս ընկավ մի մեծ համաշխարհային զեկույց՝ շատ ամպագոռգոռ «Social, Digital & Mobile Around The World» անունով։ Քանի որ Հայաստանն ու Ադրբեջանը զեկույցում չկային, բացեցի Թուրքիայի էջը ու երկար փորձում էի հասկանալ, թե զեկույց պատրաստողը ի՞նձ է անմխիթար համարում, թե ինքն է այդպիսին։ 

Դատեք ինքներդ։ Գրված է, որ ինտերնետից օգտվողների ընդհանուր թիվը Թուրքիայում կազմում է 35 990 932 մարդ (նման ճշգրտությունն արդեն իսկ կասկածներ է առաջացնում): Իսկ Ֆեյսբուքից օգտվողների թիվը՝ 36 000 000: Այսինքն, Թուրքիայում ապրում է 9 068 մարդ, որոնք հայտնաբերել են մի նոր տեխնոլոգիա, որը թույլ է տալիս օգտվել ֆեյսբուքից օֆլայն տարբերակով։ 

 

Իրականում, սա միայն մեկ օրինակ է։ Այսպիսի անհեթեթություններ կարելի է գտնել բազմաթիվ զեկույցներում։ Օրինակ, ՄԱԿ-֊ի զեկույցներից մեկի համաձայն, Հայաստանում ավելի շատ ալկոհոլ է օգտագործվում, քան Ռուսաստանում եւ Ուկրաինայում:

Բայց գանք Հայաստան։ Դուք գիտե՞ք, թե քանի մարդ է Հայաստանում օգտվում  ինտերնետ կապից ։ Իրականում, Հայաստանում ինտերնետից օգտվողների քանակի վերաբերյալ կա, առնվազն, հինգ թիվ, իսկ տարբերությունը դրանց միջեւ մոտ տաս տոկոսի է հասնում։

2012 թվականին Հանրային ծառայությունները կարգավորող հանձնաժողովի կողմից տրամադրած տեղեկությունների համաձայն, Հայաստանում բնակչության 60,6%-ը  օգտվում է ինտերնետից։ Այդ տվյալը կարող եք տեսնել՝ մտնելով այստեղ, Ասիայի բաժինը։ Իսկ եթե մտնեք նույն կայքի  Հայաստանի էջը, կտեսնեք, որ այնտեղ Հայաստանում ինտերնետից օգտվողների թիվը կազմում է 47,1%։ Ընդ որում, երկու տարի շարունակ թիվը չի փոխվել։

Եթե գտնեք ITU կազմակերպության վերջին Measuring the Information Society Report զեկույցը, կտեսնեք մեկ այլ թիվ՝ 39,2% (151 էջում)։

Ըստ Ինտերնետ Հանրության հարցման, ինտերնետից օգտվողների թիվը հասնում է 56,9%-ի։ ԻսկCRRC հարցումները ասում են` 53%:

Հիմա ու՞մ հավատանք։ 

Սամվել Մարտիրոսյան, Mediamax, 24.01.2014

Comments

Popular posts from this blog

Ով կարո՞ղ է ձեզ գաղտնալսել եւ ինչ անել

Գաղտնալսման թեման Հայաստանում շատ
ակտուալ է․ երբ գաղտնալսում են հենց
գլխավոր գաղտնալսողին, պարզ է, որ առնվազն տեսականորեն վտանգը այդքան էլ
տեսական չէ։ Իսկ եթե գործ ունես լրագրողական գործունեության հետ, ապա հասկանալի է,
որ կարող ես լինել ավելի հավանական թիրախ, քան հասարակ քաղաքացին։ Եվ որպես
լրագրող ունես տեղեկատվութունը պաշտպանելու խնդիր։ Չնայած, սա վերաբերում է
բոլորիս։

Ո՞վ կարող է գաղտնալսել


Որ մարմինները, ընդհանրապես, իրավունք ունեն իրականացնել ՀՀ֊ում
օպերատիվ-հետախուզական գործունեությունմ, որի մի մասը հենց կազմում է գաղտնալսումը։

Ըստ Օպերատիվ-հետախուզական գործունեության մասին ՀՀ օրենքի 8֊րդ հոդվածի․

Օրենքով իրենց վերապահված լիազորությունների շրջանակներում լայն իմաստով
օպերատիվ-հետախուզական գործունեություն իրականացնելու իրավունք ունեն` 1) ոստիկանությունը. 1.1) ռազմական ոստիկանությունը. 2) ազգային անվտանգության մարմինները. 3) հարկային մարմինները. 4) մաքսային մարմինները` մաքսանենգության և այլ հանցագործությունների խափանման ու
բացահայտման նպատակով. 5) քրեակատարողական ծառայությունը` միայն քրեա…

Facebook հաշիվը կոտրելու հիմնական ձեւերից մեկը․ ֆիշինգ

Հենց հիմա Ֆեյսբուքում իրականացվում է հայաստանցիների դեմ հարձակում, որի բավականին հաճախ է օգտագործվում, սակայն, սովորաբար, հայերեն չի լինում։ Իհարկե, մեծ հավանականությամբ սա անում են ադրբեջանական հաքերները, բայց իրականում հետքերը գտնել հնարավոր չէ այսպես, նենց որ հարձակման հեղինակները կարող են լինել ուր ասես։

Հիմա բուն հարձակման ձեւը։ Ստեղծվում է էջ, որը նմանակում է հենց Ֆեյսբուքի ադմինիստրացիայի կողմից ստեղծված էջ ֊ հասցեն միտումնավոր պարունակում է կյուրեղատառ տառեր, որպեսզի Ֆեյսբուքի անվտանգության բոտերը միանգամից չհայտնաբերեն նմանակումը


Էջը նշում է հայաստանյան էջեր, վախացնելով, որ խախտել են կանոնները եւ կարգելափակվեն, եթե նշված հղումով չգնան․ 
Եթե մարդ հավատում է, գնում է էջով, ապա հայտնվում է մի կայքում, որը նմանակում է Ֆեյսբուքը, սակայն լրիվ ուրիշ հասցե ունի․

Հաջորդ էջով մարդուց կորզում են իր մուտքային տվյալները․ էլեկտրոնային փոստը եւ գաղտնաբառը

Եթե մարդը բացահայտվում է որպես հարիֆ, որը ներմուծում է գաղտնաբառը, ապա մի հատ էլ առաջարկում են բանկային տվյալները ներմուծի

Ինչը կփրկի սեն…

Օնլայն գրադարաններ կորոնավիրուսին դիմակայելու համար

Մի քանի գրադարան գրեմ ինքնամեկուսացվածների եւ իրենց երեխաների համար․


Հայերեն լիքը աուդիոգիրք երեխաների համար - Գրքասեր


Ամենամեծ ռուսալեզու գրադարանը, գրեթե ամեն ինչ կա - Flibusta

      Լինում են, որ գրքերը փակված են։ Այդ դեպքում օգտվեք Տելեգրամի բոտից - գրքի անունը գրում ես- ուղարկում ա քեզ @flibustafreebookbot - ես որ սենց եմ քաշում։


Ինտերնետի արխիվը - անհնարին քանակի գիրք, կինո, նույնիսկ հին համակարգչային խաղեր։ Իհարկե, միայն հեղինակային իրավունքից արդեն դուրս եկած - Archive.org



Իսկ եթե ուզում եք հեղինակային իրավունքի մեջ գտնվեղ, բայց անվճար - ապա rutracker.org - տոռենտով գրեթե ամեն ինչ